Çdo vend ka ritmin e tij, por në Dhërmi deshëm që arkitektura të merrte ritmin e detit. Duke ndërthurur shpirtin mesdhetar me qetësinë e Balit dhe elegancën e jugut të Francës, krijuam një hapësirë ku kufijtë mes natyrës dhe arkitekturës fillojnë të treten.
Çdo vendim është marrë me të njëjtin qëllim, që hapësira të mos dominojë mbi natyrën, por ta vazhdojë atë. Drita, hija, materialet dhe deti bashkëjetojnë në një ritëm të vetëm, duke krijuar një përvojë që ndihet e qetë dhe e paimponuar.
Një atmosferë ku çdo detaj i shërben në heshtje të njëjtit qëllim, të ngadalësojë kohën, të zgjojë shqisat dhe t’i rikthejë njerëzit në një lidhje më të thellë me natyrën.

Qëllimi ynë ishte që kjo hapësirë të të shkëpuste menjëherë nga përditshmëria, duke krijuar ndjesinë e atyre çasteve të para të pushimeve, kur ritmi ngadalësohet dhe mendja çlirohet.
Më shumë se një restorant, kjo është një përvojë ku deti, drita dhe natyra bëhen pjesë e arkitekturës. Një vend që të fton të ngadalësosh ritmin dhe ta shijosh momentin.
Për ne, arkitektura nuk matet nga sa tërheq vëmendjen, por nga sa gjatë mbetet me ty. Jo përmes imazhit që krijon, por përmes ndjesisë që lë dhe kujtimeve që vazhdojnë edhe pasi ke ikur.